今日過咗一日預產期，仲係無乜動靜，依舊瞓晏教，老公租咗幾套DVD - 其中只係睇咗 "大內密探靈靈狗" 套戲有D悶 睇完都夜晚十二時有多，打咗陣PSP先瞓 到咗3:30，老公仲未瞓，我去厠所時，見紅呀........... 老公：要入醫院吖......... 老公回應：真係架？我快D執野先............. 換好晒衫，攞齊行李，出發前通知咗大姨媽 唔知點解，等電梯其間，有D腳陣 好彩一落到街有的士，上到的士，再通知婆婆、惠玲姐 (佢返通宵班) 打晒電話後，我倆手握手靜心聽住收音機 係呢個時候，竟然收音機播出 "狂野之城"，真開心，心情又好似輕鬆咗 聽完無幾耐，已經到達醫院了 落車後，仲去咗7-11食叮叮PIZZA，老公仲買咖啡飲添( 阿媽話入院要食飽D架) 零晨4:00 上到病房，磅重、換衫......... 老公就去搞入院手續 有得簡頭等或二等房，但頭等房未有電視之餘，過兩日仲要有工程 - 安裝電視 (要礸牆) 所以我簡咗二等房9B床位，同時排緊頭等房 老公陪咗我半小時，之後係樓吓等到6:00就回家去，因為唔係探病時間，佢唔可以係病房逗留咁耐 瞓教lu~~~~ 瞓醒就食早餐，因為我有妊娠糖尿，所以無得簡餐 食早餐其間，同房友傾吓計，但佢好似唔係好想傾咁~~~~ 只係講咗兩句 (可能啱啱生完掛) 3:00 pm 姑娘話有頭等房呀 轉咗去1號床位 有電視，有床頭電話，一個人一間房，幾正架 到了探病時間，需然我未生，屋企人都有嚟，仲攞埋飯嚟，驚我今晚生既話，生完無飯食喎 晚飯其間，陣痛加劇，痛到說話、食飯都要暫停 成晚都唔係幾瞓到，瞓著又痛，瞓著又痛............ 直到天光，因老公又瞓唔著，所以一早七點幾就嚟到陪我 (只能在病房門口) | 
上天台前請著拖鞋
主人家已一早準備好食物了
